|
|
|
|
ព័ត៌មានថ្មីៗពីមជ្ឈមណ្ឌលសិទ្ធិមនុស្សកម្ពុជា |
|
|
|
|
|
|
 |
|
| វិភាគ៖ តើបារាំងមានឥទ្ធិពលលើករណីលោក សម រង្ស៊ី និងម៉ម សូណង់ដូ ឬទេ? |
| VOD, 2013-02-08 |
| សម្រាប់ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍ថា បារាំងជាម្ចាស់ជំនួយមួយដែលមានឥទ្ធិពល ព្រោះថាបារាំងបានផ្តល់ជំនួយជាច្រើន ដល់កម្ពុជាតាមរយៈសហភាពអ៊ឺរ៉ុប។ លោកគិតថា ប្រសិនបើរដ្ឋាភិបាលលើកលែងទោសតាមជំហររបស់នាយករដ្ឋមន្រ្តីបារាំង គឺជាការជួយដល់ប្រទេសកម្ពុជាខ្លួនឯង៖ "សំខាន់បារំាងបានជួយមកប្រទេសកម្ពុជា បើសិនជារដ្ឋាភិបាលរបស់ប្រទេសកម្ពុជាគិតប្រយោជន៍ប្រជា ពលរដ្ឋ រដ្ឋាភិបាលកម្ពុជាគួរតែដោះលែងអ្នកទោសនយោបាយ ហើយអ្នកទោសនយោបាយមានអ្នកទំាងបីដែលខ្ញុំដឹងរឿង ជនជាតិនៅខេត្តបារំាងក៏ខ្ញុំដឹងរឿងដែរ ដូចជាលោកស្រី យ៉ោម បុប្ផា ផងដែរដូច្នេះ បើសិនការដោះលែងអ្នកទោសនយោបាយពីរឿងមួយដើម្បីផលប្រយោជន៍ប្រទេសជាតិ"។ |
|
|
|
 |
|
| ពានរង្វាន់សិទ្ធិមនុស្សឈានមុខជះឥទ្ធិពលដល់ការឃុំខ្លួនលោក ម៉ម សូណង់ដូ |
| RFA, 2013-02-07 |
| ប្រធានមជ្ឈមណ្ឌលសិទ្ធិមនុស្សកម្ពុជា (CCHR) លោក អ៊ូ វីរៈ មានប្រសាសន៍ថា ពាន់រង្វាន់នេះវាសាកសមណាស់ចំពោះលោក ម៉ម សូណង់ដូ ហើយករណីលោក ម៉ម សូណង់ដូ នឹងកាន់តែធ្វើឲ្យពិភពលោកងាកមកចាប់អារម្មណ៍កាន់តែខ្លាំង៖«ព្រោះអីយើងដឹងថា ករណីលោក ម៉ម សូណង់ដូ គឺជាការសម្រេចចិត្តនយោបាយមួយរបស់រដ្ឋាភិបាលដោយសារការងាររបស់គាត់ទាក់ទងរឿងសមាគមអ្នកប្រជាធិបតេយ្យ និងការងារវិទ្យុសម្បុកឃ្មុំ ដូច្នេះពិភពលោកនឹងចាប់អារម្មណ៍លើលោក ម៉ម សូណង់ដូ។ ខ្ញុំជឿជាក់ថា លោកអាចទទួលបានយុត្តិធម៌ និងរួចខ្លួនមានសេរីភាពឡើងវិញ»។ |
|
|
|
 |
|
|
|
|
 |
|
| អាជ្ញាធរមិនឲ្យពលរដ្ឋមួយគ្រួសារតំាងរូបលោកម៉ម សូណង់ដូ នៅមុខផ្ទះ |
| VOD, 2013-02-06 |
| មន្ត្រីសម្របសម្រួលគម្រោងសេរីភាពបញ្ចេញមតិនៃមជ្ឈមណ្ឌលសិទ្ធិមនុស្សកម្ពុជា កញ្ញា សន រ៉ាមាណា មានប្រសាសន៍ថា ការដែលមេឃុំហាមឃាត់និងប្រើពាក្យសម្តីគំរាមគំហែងបែបនេះ ជាការរំលោភសិទ្ធិសេរីភាពបញ្ចេញមតិរបស់បុគ្គលម្នាក់ៗ ៖ "អាហ្នឹងគឺជាការប្រើប្រាស់អំណាចដោយខុសច្បាប់ ព្រោះថាការដាក់ផ្លាកហ្នឹង គឺគាត់ដាក់ផ្លាកនៅលំនៅដ្ឋានរបស់គាត់ គឺជាឯកជន ហើយក៏មិនបានប៉ះពាល់ មិនបានផ្តល់អន្តរាយទៅដល់សាធារណជនណាមួយដែរ ប៉ុន្តែគាត់លើកថា អាហ្នឹងជាការខុសច្បាប់ អញ្ចឹងអ្វីដែលគាត់លើកឡើងហ្នឹង គឺអត់មានចែងនៅក្នុងច្បាប់ទេ"។ |
|
|
|
 |
|
| រាជរដ្ឋាភិបាល និងសង្គមស៊ីវិល ថ្កោលទោស ជនជាតិថៃ ២០នាក់ ដែលចាប់រំលោភ និងសម្លាប់ ពលការិនីខ្មែរ |
| DAP, 2013-02-06 |
| លោក អ៊ូ វីរៈ ប្រធានមជ្ឈមណ្ឌល សិទ្ធិមនុស្សកម្ពុជា បានមានប្រសាសន៍ថា ចំពោះករណីនេះ វាគឺជារឿងមួយ ដែលសាហាវព្រៃផ្សៃបំផុត ដោយទាមទារឲ្យ រដ្ឋាភិបាលថៃ បើកការស៊ើបអង្កេតក្នុងករណីនេះជាបន្ទាន់ ដើម្បីស្វែងរកយុត្តិធម៌ជូនជនរងគ្រោះ ហើយរដ្ឋាភិបាលថៃ រួមទាំងគណៈកម្មាធិការសិទ្ធិមនុស្សថៃ ត្រូវតែប្រឆាំង ទៅលើការរើសអើងពីសំណាក់ជនជាតិថៃ មកលើពលរដ្ឋកម្ពុជា ដែលទៅធ្វើការងារនៅក្នុងទឹកដីថៃ។ |
|
|
|
 |
|
| CCHR នឹងពិភាក្សា ពីតួនាទីស្រ្តី ក្នុងវិស័យនយោបាយ |
| DAP, 2013-02-06 |
| នៅថ្ងៃទី៧ ខែកុម្ភៈ ឆ្នាំ២០១៣ មជ្ឈមណ្ឌលសិទ្ធិមនុស្សកម្ពុជា (CCHR) នឹងរៀបចំកិច្ចពិភាក្សាតុមូលស្តីពី “តួនាទីស្រ្តីក្នុងការចូលរួម វិស័យនយោបាយ នៅថ្នាក់ជាតិ” ក្នុងគោលបំណង ដើម្បីឲ្យអ្នកធ្វើការខាងអ្នកតំណាងស្រ្តី ព្រមទាំងគណបក្សនយោបាយរួមគ្នា ពិភាក្សាពីការចូលរួមរបស់ស្រ្តី នៅក្នុងវិស័យនយោបាយ នៅថ្នាក់ជាតិ។ |
|
|
|
 |
|
| នាយករដ្ឋមន្រ្តីបារាំងចង់ឲ្យកម្ពុជាលើកលែងទោសលោក សម រង្ស៊ី និងម៉ម សូណង់ដូ |
| VOD, 2013-02-06 |
| ប្រធានមជ្ឈមណ្ឌលសិទ្ធិមនុស្សកម្ពុជា លោក អ៊ូ វីរៈ មានប្រសាសន៍ថា រដ្ឋាភិបាលគួតែពិចារណាពីការលើកឡើងរបស់នាយករដ្ឋមន្ត្រីបារាំង ដើម្បីទាក់ទាញអ្នកវិនិយោគប្រទេសទាំងពីរ ដោយលោកចាត់ទុកថា ការចោទកាន់មេបក្សប្រឆាំង និងប្រធានវិទ្យុសំបុកឃ្មុំធ្វើឡើងក្នុងរូបភាពនយោបាយ ៖ "យើងដឹងថាជារឿងតុលាការ ប៉ុន្តែតុលាការទីមួយ តុលាការអត់ឯករាជ្យ ទីពីរដើមបណ្តឹងហ្នឹង គឺរដ្ឋាភិបាលជាដើមបណ្តឹង បានន័យថា គណបក្សកាន់អំណាចនៅមានឥទ្ធិពលទេ ដូច្នេះជារឿងនយោបាយ"។ |
|
|
|
|
|
|
|
|
|
|
ចុះឈ្មោះទទួលព័ត៌មានថ្មីៗ ពីម.ស.ម.ក
