រចនា​សម្ព័ន្ធ​គេហទំព័រ  |   | 
 ទំព័រ​ដើម   អំពី​មជ្ឈមណ្ឌល​   ការ​ងារ​របស់​យើង​   ការផ្សព្វផ្សាយ​ព័ត៌មាន   ចូល​រួម​ជា​មួយ​យើង​   ធ្វើ​ការ​ជាមួយ​យើង​   ទំនាក់​ទំនង 
Our Work
ការ​ងារ​របស់​យើង​
ស្ថាន​ភាព​សិទ្ធិមនុស្ស​នៅ​កម្ពុជា​
យុទ្ធសាស្រ្ត
ពិពណ៌នា​​គម្រោង​ម.ស.ម.ក
គំរោងដែលមានក្នុងពេលបច្ចុប្បន្ន
គម្រោងជន​ឆ្នើម​ខាង​សុវត្ថិភាព​បច្ចេក​វិទ្យា
គម្រោង​ការពារ និង​លើក​កម្ពស់​សិទ្ធិ​បច្ចេក​វិទ្យា
គម្រោងសិទ្ធិ​លំហ​បច្ចេក​វិទ្យា
គម្រោងវេទិកាអប់រំសិទ្ធិមនុស្សកម្ពុជា
គម្រោងអ្នកការពារសិទ្ធិមនុស្សស្រ្តី
ការ​ពារ​សេរីភាព​មូលដ្ឋាន
គេហ​ទំព័រ​អំពី​សិទ្ធិមនុស្ស​ - គម្រោង​សិទ្ធិ
គម្រោងកម្មវិធីកំណែទម្រង់ដីធ្លី
គម្រោង​ការ​កំណត់​យ៉េនឌ័រ និង​អត្តសញ្ញាណភេទ
គំរោងដែលធ្លាប់មានពីមុន
គម្រោង​សង្កេតការណ៍​សវនាការ
គម្រោង​លើក​ស្ទួយ​សមាស​ភាព​ស្រ្តីនៅក្នុង​វិស័យ​នយោបាយ​នៅ​កម្ពុជា
គម្រោងអាជីវកម្ម និងសិទិ្ធមនុស្ស
គម្រោងសេរីភាពបញ្ចេញមតិនៅកម្ពុជា
គម្រោង​ការ​ពារ​សិទ្ធិ​មនុស្ស
គម្រោងបណ្តុះបណ្តាល និងសវនាការសហគមន៍
គម្រោងស្រាវជ្រាវដើម្បីបញ្ចប់អំពើ​ហិង្សាទឹកអាស៊ីត
គម្រោងបណ្តាញសិទិ្ធមនុស្ស
គម្រោងវេទិកាសាធារណៈ
យុទ្ធនាការ
យុទ្ធនាការ​ដើម្បី​បញ្ឈប់​និ​ទណ្ឌ​ភាព​នៅ​កម្ពុជា ២០១៥
យុទ្ធនាការប្រឆាំង​និ​ទណ្ឌ​ភាព​ ២០១៤
យុទ្ធនាការ​ដើម្បី​បញ្ឈប់​និ​ទណ្ឌ​ភាព​នៅ​កម្ពុជា ២០១៣
យុទ្ធនា​​ការ​​ដើម្បី​​សេរីភាព​​ខាង​​ការ​​បញ្ចេញ​​មតិ
មូលនិធិ​យុត្តិធម៌​២២/១១
ទិវាសេរីភាពសារព័ត៌មានពិភពលោក ២០១៣
យុទ្ទនាការ “ឯណាយុត្តិធម៌ខ្ញុំ”
ចុះ​ឈ្មោះ​ទទួល​ព័ត៌មាន​​ថ្មី​ៗ ពីម.ស.ម.ក
យុទ្ធសាស្រ្ត
យុទ្ធសាស្ត្រ​ថ្មីៗ និង​វិស័យ​ការងារ​ស្នូល សម្រាប់​ឆ្នាំ ២០១៦~២០២០
​    ​
​ស្ថានភាព​សិទ្ធិមនុស្ស​នាពេល​បច្ចុប្បន្ន​នៅ​កម្ពុជា​កំពុង​ប្រែប្រួល និង​មាន​ការវិវឌ្ឍ​ឥតឈប់ឈរ​។ ភាពមិនច្បាស់លាស់​ជុំវិញ​ការ​បោះ​ឆ្នោត​​នៅ​ឆ្នាំ ២០១៧ និង​ឆ្នាំ​២០១៨ ខាងមុខ បាន​បង្កើត​នូវ​បរិយាកាស​នយោបាយ​មួយ​ដែល​មិនអាច​ព្យាករណ៍​ទុក​បាន ដែល​នេះ​ពិបាក​នឹងធ្វើ​ការព្យាករណ៍​ទុក​ពី​បញ្ហា​សិទ្ធិមនុស្ស​និង​ការរៀបចំ​ផែនការ​សម្រាប់​ពេលអនាគត​។ ទោះជា​យ៉ាងណាក៏ដោយ ម​.​ស​.​ម​.​ក បាន​បង្កើត​នូវ​ផែនការ​រយៈពេល​ប្រាំ​ឆ្នាំ​សម្រាប់​អង្គការ​ក្នុងអំឡុងពេល​ឆ្នាំ ២០១៦ ដល់ ឆ្នាំ​២០២០ ដោយមាន​គោលបំណង​បង្ហាញ​អំពី​ប្រតិបត្តិការ​និង​គម្រោង​នានា​។ នៅ​រយៈ​ពេលនេះ បេសកកម្ម​របស់​យើង​នឹង​នៅតែ​ប្រព្រឹត្តទៅ​ដដែល​រួមមាន ការលើកកម្ពស់​និង​ការការពារ​លទ្ធិប្រជាធិបតេយ្យ​និង​សិទ្ធិមនុស្ស ជាពិសេស​សិទ្ធិ​ពលរដ្ឋ​និង​សិទ្ធិ​នយោបាយ​ដើម្បី​ផលប្រយោជន៍​នៃ​ប្រជាពលរដ្ឋ​ទាំង​អស់​​នៅ​​កម្ពុជា​។​

​វិស័យ​ការងារ​ស្នូល​របស់ ម​.​ស​.​ម​.​ក នឹង​ត្រូវយក​បង្ហាញ​តាមរយៈ​រចនា​សម្ពន្ធ​ការងារ រួមមាន​បញ្ហា​គន្លឹះ​មួយចំនួន​ដែល​តម្រូវ​ឲ្យ​មានការ​ចូលរួម​ដោយ​យកចិត្តទុកដាក់​ខ្លាំង ហើយ​យុទ្ធសាស្ត្រ​មួយចំនួន​អាច​សម្រេចបាន​តាមរយៈ​ការចូលរួម​នេះ ដូច​មាន​បង្ហាញ​ខាងក្រោម ៖

​វិស័យ​ការងារ ស្នូល​

​ម​.​ស​.​ម​.​ក មាន​ការងារ​ទូលំទូលាយ​ពាក់ព័ន្ធ​នឹង​ការស្រាវជ្រាវ ការតស៊ូ​មតិ និង​កំណែទម្រង់​គោលនយោបាយ​នៅ​កម្ពុជា​។ ប៉ុន្តែ​សម្រាប់​រយៈពេល​ប្រាំ​ឆ្នាំ​បន្ទាប់​នេះ ម​.​ស​.​ម​.​ក បានសម្រេច​ដាក់ចេញ​នូវ​វិស័យ​ការងារ​ស្នូល ដែល​នឹង​បង្ហាញ​ពី​ទិសដៅ​ការងារ​របស់​យើង​។ វិស័យ​ការងារ​ស្នូល​នេះ​នឹង​ត្រូវបាន​បង្កើតជា “​កម្មវិធី​” ធំ​ជាង​នេះ ស្ថិតនៅក្រោម​គម្រោង​នីមួយៗ ឬ​កម្មវិធី​បន្ទាប់បន្សំ ដែល​អាច​រៀបចំ​ជា​ក្រុម ជា​រចនា​សម្ពន្ធ​មួយ​ដែលមាន​លក្ខណៈ​កាន់តែ​បត់បែន​និង​ដើម្បី​បង្កើន​នូវ​កិច្ចសហប្រតិបត្តិការ​រ​វាង​កម្មវិធី​និង​កម្មវិធី​បន្ទាប់បន្សំ​។​

វិស័យ​ការងារ​ស្នូល​ទាំងនេះ​ត្រូវបាន​បង្កើតឡើង​ដោយ​បុគ្គលិក ម​.​ស​.​ម​.​ក និង​ដៃគូរ​សំខាន់ៗ ព្រមទាំង​ធ្វើការ​ពិចារណា​ទៅលើ​ចំណុចខ្លាំង​និង​ចំណុចខ្សោយ​របស់ ម​.​ស​.​ម​.​ក កាលានុវត្តន៍ និង​ការគំរាមកំហែង​នានា​ដែល​ទំនង​នឹង​កើតឡើង​នៅ​រយៈពេល​ប្រាំ​ឆ្នាំ​បន្ទាប់​។ ការងារ​ដែល​អង្គការ​មិនមែន​រដ្ឋាភិបាល​និង​អង្គការ​សង្គម​ស៊ីវិល​នានា​កំពុងតែ​ធ្វើ ក៏​ត្រូវបាន​ពិចារណា​ផងដែរ ដើម្បី​ជៀសវាង​នូវ​ការងារ​ត្រួតគ្នា និង​ការ​ប្រ​គួ​ត​ប្រជែង​ដែល​មិនចាំបាច់​។

​វិស័យ​ការងារ​ស្នូល​ប្រាំមួយ​ចំណុច​របស់ ម​.​ស​.​ម​.​ក ផ្សេងៗ សម្រាប់​ឆ្នាំ​២០១៦ ដល់ ឆ្នាំ​២០២០ មាន​តាម​លំដាប់លំដោយ​ដូច ខាងក្រោម ៖
  1. ​   ការការពារ​សេរីភាព​មូលដ្ឋាន
  2. ​   កំណែទម្រង់​ប្រព័ន្ធយុត្តិធម៌​និង​ច្បាប់​
  3. ​   សមភាព​និង​ការរើសអើង​
  4. ​   ​ធុរកិច្ច​និង​សិទ្ធិមនុស្ស​
  5. ​   ​ការចូលរួម សិទ្ធិ និង​កំណែទម្រង់​ផ្នែក​នយោបាយ និង​
  6. ​   ​ការស្រាវជ្រាវ ការតស៊ូ​មតិ និង​គោលនយោបាយ​ផ្សេងៗ​

ចំណុច​ចុងក្រោយ​នៃ​ការងារ​ស្នូល​ទាំងនោះ គឺ “​ការស្រាវជ្រាវ ការតស៊ូ​មតិ និង​គោលនយោបាយ​ផ្សេងៗ​” ដែល​នឹងធ្វើ​ឲ្យ ម​.​ស​.​ម​.​ក ផ្តោត​ការងារ​ទៅលើ​បញ្ហា​សិទ្ធិមនុស្ស​ដែល​មិន​ស្ថិតក្នុង​ការងារ​គម្រោង ឬ​កម្មវិធី​នានា និង​មានការ​ឆ្លើយតប​ទៅនឹង​ការវិវឌ្ឍ​នានា​។ នេះ​ក៏​នឹង​ផ្តល់នូវ​ភាពបត់បែន​សម្រាប់​ការងារ​សំខាន់ ឬ​ការងារ​រយៈពេល​ខ្លី​ដើម្បី​ធ្វើការ​តស៊ូ​មតិ និង​អនុញ្ញាត​ឱ្យធ្វើ​ការពិនិត្យ​មើល​ទៅលើ​បុព្វហេតុ​និង​និន្នាការ ជាជាង​គ្រាន់តែ​ជា​និម្មិត​រូប​។  ម​.​ស​.​ម​.​ក ត្រូវបាន​គេ​ស្គាល់​ដោយសារ​សម្លេង​ឯករាជ្យ  និង​ប្រកបដោយ​គោលការណ៍​អំពី​បញ្ហា​សិទ្ធិមនុស្ស​នៅ​កម្ពុជា ហើយ​វិស័យ​ការងារ​ស្នូល​នេះ​នឹង​នាំឱ្យ​យើង​បន្តការងារ​សំខាន់​នេះ​។​

​បញ្ហាសំខាន់ និង​កាលានុវត្តភាព

​​ក្នុង​ការបន្ត​អនុវត្ត​នូវ​វិស័យ​ការងារ​ស្នូល​របស់​យើង​ខាងលើ​សម្រាប់​ឆ្នាំ ២០១៦~​ឆ្នាំ​២០២០ ម​.​ស​.​ម​.​ក បានកំណត់​នូវ​បញ្ហាសំខាន់ៗ​ជាក់លាក់​ចំនួន​ប្រាំ​ចំណុច​ដែល​នឹង​តម្រូវឱ្យមាន​ការយកចិត្ត​ទុកដាក់​ខ្លាំង​។ បញ្ហា​ទាំងនេះ​ទំនងជា​បញ្ហា​ឈានមុខ​នៃ​ស្ថានភាព​សិទ្ធិមនុស្ស​នៅ​កម្ពុជា​ក្នុងអំឡុង​ពេលនេះ ហើយនឹង​បង្ហាញ​ពី​កាលានុវត្តភាព​ជាច្រើន​និង​បញ្ហា​ប្រឈម​ដល់​គម្រោង​របស់​យើង​។​

ក្នុងការ​កំណត់​នូវ​បញ្ហា​ដែល​ទំនង​នឹង​កើតឡើង​ទាំងនេះ ម​.​ស​.​ម​.​ក មាន​គោលបំណង​ពិនិត្យមើល​ទៅលើ​ទិសដៅ​រហូតដល់​ការបោះឆ្នោត​ថ្នាក់ជាតិ​ឆ្នាំ​២០១៨ ហើយក៏​ពិចារណា​ផងដែរ​ទៅលើ​រូបភាព​ទូលំទូលាយ ជាង​នេះ​។ បុគ្គលិក ម​.​ស​.​ម​.​ក ទាំងអស់​បាន​ចូលរួម​បង្កើត​នូវ​ផែនការ​យុទ្ធសាស្ត្រ​អាទិភាព​ទាំង​ប្រាំ​ចំណុច​នេះ​និង​មានការ​ព្រមព្រៀង​ជា​ឯកច្ឆន្ទ​គួរឱ្យកត់សម្គាល់ ដែល​បាន​បង្កើត​ការងារ​បន្ថយ​មក​នៅត្រឹម​តែ​ប្រាំ​ចំណុច​កាន់តែ​ងាយស្រួល​។ ការងារ​យុទ្ធសាស្ត្រ​ជា​អាទិភាព​ទាំង​ប្រាំ​ចំណុច​នោះ រួមមាន ៖
  1. ​ការអនុវត្ត​ច្បាប់​សមាគម អង្គការ និង​ការ​រឹតត្បិត​ឱកាស​សម្រាប់​សង្គម​ស៊ីវិល អ្នកការពារ​សិទ្ធិមនុស្ស និង​នយោបាយ​ជំទាស់​
  2. ​សក្តានុពល​នៃ​ឧបករណ៍​បច្ចេកវិទ្យា គមនាគមន៍​និង​ព័ត៌មាន សិទ្ធិ​បច្ចេកវិទ្យា សកម្ម​និយម​លើ​ប្រព័ន្ធ​អ៊ីនធឺណិត និងសេរីភាពខាង​ការបញ្ចេញមតិ​លើ​ប្រព័ន្ធ​អ៊ីនធឺណិត​
  3. ​​ច្បាប់​ស្តីពី​ឧក្រិដ្ឋកម្ម​តាម​ប្រព័ន្ធ​បច្ចេកវិទ្យា ច្បាប់​ស្តីពី​សហជីព និង​ច្បាប់​ផ្សេងៗ​ដែល​រឹតត្បិត​លើ​សេរីភាព​មូលដ្ឋាន​
  4. ​ការបោះឆ្នោត​ក្រុមប្រឹក្សា ឃុំ​/​សង្កាត់ ឆ្នាំ​២០១៧ និង​ការបោះឆ្នោត​ជ្រើសតាំង​តំណាងរាស្ត្រ​ឆ្នាំ​២០១៨ និង​អំពើហិង្សា​ពាក់ព័ន្ធ​នឹង​នយោបាយ និង​
  5. ​និន្នាការ​ម្ចាស់ជំនួយ និង​ការងារ​អាទិភាព ចរន្ត​នៃ​ការផ្តល់​មូលនិធិ និង​កាលានុវត្តភាព​។​

​យុទ្ធសាស្ត្រ​សម្រាប់​ការចូលរួម
​    ​
បន្ទាប់ពី​កំណត់​នូវ​វិស័យ​ការងារ​ស្នូល និង​ការព្យាករណ៍​សំខាន់ៗ វា​ចាំបាច់​ណាស់​ក្នុងការ​ពិចារណា​ទៅលើ​វិធី​ដែល​វិស័យ​ការងារ​ស្នូល និង​បញ្ហា​នីមួយៗ​អាច​ត្រូវបាន​ដោះស្រាយ​យ៉ាង​ប្រសើរ​បំផុត​។ តារាង​ស្តីពី​យុទ្ធសាស្ត្រ​សំខាន់ៗ​ត្រូវបាន​បង្កើតឡើង​សម្រាប់​អនុវត្ត​នៅ​ម​.​ស​.​ម​.​ក​។ យើង​សង្ឃឹមថា យុទ្ធសាស្ត្រ​ទាំងនេះ​នឹង​ជួយ ម​.​ស​.​ម​.​ក ក្នុងការ​ស្រាវជ្រាវ ការចូលរួម និង​ការតស៊ូ​មតិ​ឱ្យ​កាន់​តែមាន​ប្រសិទ្ធភាព​បន្ថែមទៀត​។ យុទ្ធសាស្ត្រ​ខាងក្រោម​គឺជា​គំនិត​ថ្មី ជា​គំនិត​ដែល​មិន​ធ្លាប់បាន​អនុវត្ត​នៅក្នុង ផែនការ​លើក​មុន ហើយ​គំនិត​បច្ចុប្បន្ន​ដែល​បាន​អនុវត្ត​ប្រកបដោយ​ប្រសិទ្ធភាព​។
  • ប្រព័ន្ធ​អ៊ីនធឺណិត ៖ លើកកម្ពស់​ការប្រើប្រាស់​ប្រព័ន្ធ​បច្ចេកវិទ្យា​ព័ត៌មាន​និង​សារគមនាគមន៍ សិទ្ធិ​បច្ចេកវិទ្យា និង​ការប្រើប្រាស់​បណ្តាញ​ផ្សព្វផ្សាយ​សង្គម​ប្រកបដោយ​ប្រសិទ្ធភាព និង​ការ​រចនា​គេហទំព័រ​សិទ្ធិមនុស្ស (“​សិទ្ធិ​”)  របស់ ម​.​ស​.​ម​.​ក ឡើងវិញ​
  • សិទ្ធិ​ហាប់ ៖ ការបង្កើត​សិទ្ធិ​ហាប់​ដែលជា​កន្លែង​សម្រាប់​និស្សិត​កម្ពុជា និង​អ្នក​ផ្សេងទៀត​សិក្សា​អំពី​សិទ្ធិមនុស្ស និង​ផ្តល់​វគ្គ​បណ្តុះបណ្តាល​ខាង​ការតស៊ូ​មតិ​
  • ការចូលរួម​របស់​យុវជន ៖ ម​.​ស​.​ម​.​ក សង្ឃឹមថា​នឹងមាន​ចូលរួម​ពី​សំណាក់​យុវជន​ដែលជា​គោលដៅ​មួយ​សម្រាប់​ការតស៊ូ​មតិ និង​ប្រឹងប្រែង​ក្នុងការ​លើកកម្ពស់​ការ​យល់ដឹង និង​ធ្វើការ​សម្រិតសម្រាំង​ប្រជាពលរដ្ឋ​ដើម្បី​ចូលរួម​ឲ្យ​បាន​សកម្ម​ក្នុង​សកម្មភាព​សិទ្ធិមនុស្ស​
  • អ្នកការពារ​សិទ្ធិមនុស្ស  ៖ ម​.​ស​.​ម​.​ក នឹង​បន្ត​ផ្តល់​ការគាំទ្រ​ជា​ចាំបាច់​ដល់​ការងារ​តស៊ូ​មតិ​របស់​អ្នកការពារ​សិទ្ធិមនុស្ស​ដើម្បី​ការផ្លាស់ប្តូរ​ក្នុង​សហគមន៍​របស់​ពួកគេ​ក្នុង​បញ្ហា​សិទ្ធិមនុស្ស​ទាំងអស់​
  • រៀបចំ​យុទ្ធសាស្ត្រ ៖ ម​.​ស​.​ម​.​ក នឹង​ស្វែងរក​យុទ្ធសាស្ត្រ​ការពារ​ករណីរ​ធំៗ រសើបៗ ឬ​ករណី​ប៉ះពាល់​ដល់​ផលប្រយោជន៍​សាធារណៈ​
  • ការផ្តល់អំណាច​ដល់​ស​ហគ​មន៍ ៖ ម​.​ស​.​ម​.​ក នឹង​ផ្តល់​ការបណ្តុះបណ្តាល​ពី​បញ្ហា​សិទ្ធិមនុស្ស​តាមរយៈ​បណ្តាញ​ការងារ​នានា​របស់​យើង សកម្មជន​មូលដ្ឋាន និង​សហគមន៍​នៅ​ថ្នាក់មូលដ្ឋាន​
  • ឯកទេស​ភាព និង​កិច្ចសហប្រតិបត្តិការ ៖ ផ្តោតលើ​ការងារ​ទាំងនោះ​ដែលជា​ចំណុចខ្លាំង​របស់ ម​.​ស​.​ម​.​ក និង​ការងារ​ដែល​អង្គការ​នា​នា​មិនទាន់បាន​អនុវត្ត ដែល​នឹង​ក្លាយជា​យុទ្ធសាស្ត្រ​សំខាន់​មួយ​
  • ការវិភាគ​ប្រកបដោយ​គោលការណ៍​និង​ការតស៊ូ​មតិ ៖ ការធានា​តុល្យភាព​និង​អ​ព្យា​ក្រឹត្យ​ភាព និង​ការវិភាគ​ផ្អែកលើ​ភស្តុតាង​នឹង​ក្លាយជា​យុទ្ធសាស្ត្រ​សំខាន់ ខណៈដែល​អង្គការ​នានា​មិនទាន់​បានធ្វើ​ផង​នោះ​
  • ​ការចូលរួម​បែប​ស្ថាបនា ៖ ធ្វើការ​ចូលរួម​បែប​សា្ថ​ប​នា​ជាមួយ​ដៃគូរ​នានា​រួមទាំង​រាជរដ្ឋាភិបាល​កម្ពុជា ជាជាង ការលើកឡើង​ចំឈ្មោះ​ភ្លាមៗ​ចំពោះ​អ្នករំលោភ​សិទ្ធិមនុស្ស
  • ការប្រើប្រាស់​អត្ថបទ​បោះ​ពុ​ម្ភ​ផ្សាយ​ជា​លក្ខណៈ​យុទ្ធសាស្ត្រ ៖ ម​.​ស​.​ម​.​ក មានបំណង​លើកឡើង​នូវ​ខ្លឹមសារ​អត្ថបទ​ទាំងនោះ​ឲ្យ​បាន​ច្រើន​នៅតាម​កម្មវិធី​សម្ពោធ ប្រព័ន្ធ​ផ្សព្វផ្សាយ​ព័ត៌មាន​ជាដើម​។​ល​។ ក្នុង​គោលបំណង​ឆ្លុះបញ្ចាំង​ឡើងវិញ​ពី​គោលជំហរ​ក្នុង​អត្ថបទ​បោះពុម្ពផ្សាយ​ទាំងនោះ​៕
ទាញយក ផែនការយុទ្ធសាស្ត្រ ២០១៦ - ២០២០ (ឯកសារ PDF)
ទាញយក ផែនការយុទ្ធសាស្ត្រ ២០១៣ - ២០១៥ (ឯកសារ PDF)
Creative Commons License