|
|
 |
គម្រោងសង្កេតការណ៍សវនាការ |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
 |
|
ជាអ្វី?
គម្រោងសង្កេតការណ៍សវនាការ (គម្រោង) ត្រូវបានបង្កើតឡើង ដើម្បីសង្កេតសវនាការនៅកម្ពុជា ក្នុងគោលបំណងវាយតម្លៃទៅលើការគោរពបទដ្ឋានជាតិ និងអន្តរជាតិនៃការជំនុំជម្រះដោយយុត្តិធម៌ ព្រមទាំងប្រើប្រាស់លទ្ធផលដែលបានរកឃើញ ដើម្បីបង្កើនការគោរពសិទ្ធិទទួលបានការជំនុំជម្រះដោយយុត្តិធម៌។
ហេតុអ្វី?
រដ្ឋធម្មនុញ្ញនៃព្រះរាជាណាចក្រកម្ពុជា ចែងថា ប្រទេសកម្ពុជាទទួលស្គាល់ និងគោរពសិទ្ធិមនុស្ស ដូចដែលមានចែងនៅក្នុងឧបករណ៍ច្បាប់អន្តរជាតិដែលពាក់ព័ន្ធ។ សិទ្ធិទាំងនេះគឺបូករួមទាំងសិទ្ធិទទួលបានការជំនុំជម្រះដោយយុត្តិធម៌ ដែលមានចែងច្បាស់នៅក្នុងកតិកាសញ្ញាអន្តរជាតិស្តីពីសិទ្ធិពលរដ្ឋ និងសិទ្ធិនយោបាយ ថាជាសិទ្ធិរបស់ជនជាប់ចោទនៃបទល្មើសគ្រប់រូប ទទួលបានការជំនុំជម្រះដោយយុត្តិធម៌ និងជាសាធារណៈ ដោយតុលាការដែលមានសមត្ថកិច្ច ឯករាជ្យ មិនលំអៀង និងបង្កើតឡើងដោយច្បាប់។ នៅក្នុងការអនុវត្តជាក់ស្តែង តុលាការកម្ពុជាត្រូវបានគេមើលឃើញថាមិនឯករាជ្យ គ្មានសមត្ថកិច្ច និងលំអៀង។ តុលាការត្រូវបានចាត់ទុកថា ស្ថិតនៅក្រោមការត្រួតត្រារបស់អំណាចនយោបាយនៃអំណាចនីតិប្រតិបត្តិ ដែលត្រួតត្រាលើអំណាចនីតិបញ្ញត្តិ និងតុលាការ ដោយសារគ្មានការបែងចែកអំណាចពិតប្រាកដ។ ចៅក្រមភាគច្រើនទទួលបានការអប់រំច្បាប់មានកម្រិត ដោយសារតែសង្គ្រាមស៊ីវិលបន្តក្នុងរយៈពេលយូរអង្វែង។ តុលាការហ៊ុំព័ទ្ធទៅដោយភាពគ្មានជំនឿ និងអំពើពុករលួយយ៉ាងធ្ងន់ធ្ងរ។ បញ្ហាទាំងនេះនាំទៅរកកង្វះខាតនៃការគោរពគោលការណ៍សន្មតជាមុនថាគ្មានទោស ដែលជាសិទ្ធិជាមូលដ្ឋានមួយនៃជនជាប់ចោទ។ បញ្ហាទាំងអស់នេះត្រូវតែដោះស្រាយ ដើម្បីបង្កើននូវភាពយុត្តិធម៌ និងប្រសិទ្ធិភាពនៃការជំនុំជម្រះនៅកម្ពុជា។ ក្នុងគោលបំណងនេះ គម្រោងតុលាការគំរូ ត្រូវបានបង្កើតឡើងដោយទីភ្នាក់ងារសម្រាប់ការអភិវឌ្ឍអន្តរជាតិនៃសហរដ្ឋអាមេរិក ឧបត្ថម្ភដោយកម្មវិធីសិទិ្ធ និងយុត្តិធម៌ ដោយសហការជាមួយរាជរដ្ឋាភិបាលកម្ពុជា។
របៀបណា?
គម្រោងនេះត្រូវបានអនុវត្តតាមរយៈសកម្មភាព ៣ ខាងក្រោម៖
- មន្ត្រីសង្កេតការណ៍សវនាការ សង្កេតសវនាការព្រហ្មទណ្ឌ
ដើម្បីទទួលបានទិន្នន័យទាំងបរិមាណ និងគុណភាព
ដោយប្រើតារាងសង្កេតការណ៍សវនាការ ដែលជាឧបករណ៍មួយ
សម្រាប់វាស់វែងការគោរពសិទ្ធិទទួលបានការជំនុំជម្រះដោយយុត្តិធម៌។
- គម្រោងចេញផ្សាយរបាយការណ៍ ២ ដងក្នុងរយៈពេល ១ ឆ្នាំ
ដើម្បីបង្ហាញអំពីទិន្នន័យដែលប្រមូលបាននៅក្នុងអំឡុងពេលរបាយការណ៍
ករណីសិក្សា ច្បាប់ពាក់ព័ន្ធនឹងការជំនុំជម្រះនៅកម្ពុជា
និងអនុសាសន៍សម្រាប់ផ្លាស់ប្តូរច្បាប់ គោលនយោបាយ និងការអនុវត្ត។
- បុគ្គលិកគម្រោងសហការពិភាក្សាជាមួយដៃគូតុលាការ
និងដៃគូដ៏ទៃទៀត ដើម្បីចែករំលែកគំនិត
និងការយល់ដឹងអំពីការរកឃើញរបស់គម្រោងពាក់ព័ន្ធនឹងសិទ្ធិទទួលបាន
ការជំនុំជម្រះដោយយុត្តិធម៌នៅកម្ពុជា។
គម្រោងសង្កេតការណ៍សវនាការនៅសាលាដំបូងរាជធានីភ្នំពេញ និងសាលាដំបូងខេត្តកណ្តាល។ ប្រធានបទនៃការសង្កេតការណ៍សវនាការមិនត្រូវបានកំណត់នោះទេ ដើម្បីទទួលបានទិន្នន័យដែលត្រឹមត្រូវ និងមិនលំអៀង។ សម្រាប់គោលបំណងនេះដែរ មន្ត្រីសវនាការ ២នាក់ត្រូវបានចាត់តាំងឲ្យសង្កេតសវនាការនៅសាលាដំបូងរាជធានីភ្នំពេញ និង ២ នាក់ទៀតនៅសាលាដំបូងខេត្តកណ្តាល។ នៅក្នុងសវនាការដែលបានសង្កេតនីមួយៗ ទិន្នន័យត្រូវបានកត់ត្រាដោយផ្ទាល់នៅលើតារាងសង្កេតកាណ៍សវនាការ។ ព័ត៌មានត្រូវបានកំណត់ត្រឹមដំណើរការនីតិវិធីតែប៉ុណ្ណោះ ដូច្នេះគ្មានបទសម្ភាសន៍ ឬកិច្ចពិភាក្សាបន្ថែមកើតឡើងនោះទេ លើកលែងតែកិច្ចខិតខំប្រឹងប្រែងកត់ត្រាសាលក្រមដែលប្រកាសនៅក្រោយពេលសវនាការ។
មកដល់ពេលបច្ចុប្បន្ន គម្រោងទទួលបាននូវលទ្ធផលទាក់ទងនឹងការវាយតម្លៃការគោរពបទដ្ឋាន និងគោលការណ៍សិទ្ធិទទួលបានការជំនុំជម្រះដោយយុត្តិធម៌ ដោយតុលាការកម្ពុជា ដូចខាងក្រោម៖
ការចងក្រងឯកសារ៖
- តារាងសង្កេតការណ៍សវនាការ៖
តារាងបង្ហាញនូវសំណួរមួយចំនួន
ដែលអាចឲ្យមន្ត្រីសង្កេតការណ៍សវនាការកត់ត្រា
នូវការគោរពបទដ្ឋាននៃការជំនុំជម្រះដោយយុត្តិធម៌នៅក្នុងដំណាក់នីមួយៗ
នៃសវនាការ។
សំណួរទាំងនេះឆ្លុះបញ្ចាំងបទប្បញ្ញតិ្តនៃក្រមនីតិវិធីព្រហ្មទណ្ឌ
ឆ្នាំ២០០៧ និងច្បាប់អន្តរជាតិ។
តារាងនេះផ្តល់លទ្ធភាពឲ្យមន្ត្រីសង្កេតការណ៍សវនាការ
បំពេញដោយផ្ទាល់នៅក្នុងបន្ទប់សវនាការ
ដើម្បីធានានូវការប្រមូលទិន្នន័យដែលត្រឹមត្រូវ។ លោកអ្នកអាចទាញយកតារាងសង្កេតការណ៍សវនាការបានដោយចុចត្រងនេះ
- សេចក្តីណែនាំស្តីពីការប្រើប្រាស់តារាងសង្កេតការណ៍
សវនាការ៖ សេចក្តីណែនាំលំអិតត្រូវបានចងក្រង
ដើម្បីផ្តល់ព័ត៌មានបន្ថែមដល់មន្ត្រីសង្កេតការណ៍សវនាការអំពីមូលដ្ឋាន
ច្បាប់ និងអត្ថន័យនៃសំណួរនីមួយៗនៅក្នុងតារាងសង្កេតការណ៍សវនាការ
ព្រមទាំងរបៀបឆ្លើយសំណួរនីមួយៗ។
សេចក្តីណែនាំនេះមានសារៈសំខាន់ក្នុងការធានាការយល់ច្បាស់អំពីសំណួរ
នីមួយៗ
និងធានានូវភាពស្របគ្នាក្នុងចំណោមមន្ត្រីសង្កេតការណ៍នាពេល
បច្ចុប្បន្ន និងអនាគត។
- បញ្ជីច្បាប់៖ ឧបករណ៍នេះបង្ហាញពីច្បាប់ជាតិ
និងអន្តរជាតិ
ដែលជាមូលដ្ឋានគ្រឹះសំណួរនីមួយៗនៅក្នុងតារាងសង្កេតការណ៍សវនាការ។
- ក្រមសីលធម៌៖
ឯកសារនេះបង្ហាញអំពីកាតព្វកិច្ចមិនជ្រៀតជ្រែក មិនលំអៀង
និងរក្សាការសម្ងាត់ដែលមន្ត្រីសង្កេតការណ៍សវនាការត្រូវគោរពតាម។
- ប្រព័ន្ធគ្រប់គ្រងទិន្នន័យ៖
ជាប្រព័ន្ធដែលត្រូវបានបង្កើតឡើងសម្រាប់កត់ត្រាទិន្នន័យដែល
ប្រមូលបានពីតារាងសង្កេតការណ៍សវនាការ។
ប្រព័ន្ធគ្រប់គ្រងទិន្នន័យអាចទស្សនាបាននៅលើអ៊ីនធើណេត។
- ការសង្កេតការណ៍សវនាការ
ដោយឈរលើមូលដ្ឋានសិទ្ធិទទួលបានការជំនុំជម្រះដោយយុត្តិធម៌៖
រហូតមកដល់ពេលបច្ចុប្បន្ន សវនាការចំនួន ៩៥៨
ត្រូវបានសង្កេតនៅសាលាដំបូងរាជធានីភ្នំពេញ និង សវនាការចំនួន ៣៥៩
ត្រូវបានសង្កេតនៅសាលាដំបូងខេត្តកណ្តាល។
របាយការណ៍៖ មជ្ឈមណ្ឌលសិទ្ធិមនុស្សកម្ពុជាបានចេញផ្សាយរបាយការណ៍ស្តីពីសិទ្ធិទទួលបានការជំនុំជម្រះដោយយុត្តិធម៌នៅកម្ពុជា។ របាយការណ៍ស្តីពីការរកឃើញរបស់គម្រោងត្រូវបានផ្ញើទៅរាជរដ្ឋាភិបាលកម្ពុជា ក្រសួងពាក់ព័ន្ធ សកលវិទ្យាល័យ និងអង្គការអន្តរជាតិ។
កិច្ចពិភាក្សា៖
- ជូនដំណឹងតុលាការអំពីគម្រោង៖
ប្រធានសាលាដំបូងរាជធានីភ្នំពេញ និងសាលាដំបូងខេត្តកណ្តាល
ទទួលដំណឹងអំពីការអនុវត្តគម្រោង ចាប់តាំងពីពេលដែលគម្រោងចាប់ផ្តើម។
- ពិភាក្សាមុនពេលចេញផ្សាយរបាយការណ៍ ៖ ប្រធានសាលាដំបូងខេត្តកណ្តាលបានជួបជាមួយបុគ្គលិកគម្រោង និង បង្ហាញអំពីកិច្ចសហការជាមួយគម្រោង។ ប៉ុន្តែចៅក្រមនៅឯសាលាដំបូងរាជធានីភ្នំពេញមិនអាចជួបជាមួយបុគ្គលិកគម្រោងបាន។
- កិច្ចពិភាក្សាអំពីការរកឃើញរបស់របាយការណ៍។
ដើម្បីនរណា?
គោលដៅនៃការសង្កេតការណ៍សវនាការ របាយការណ៍ និងកិច្ចពិភាក្សា គឺតុលាការដែលបានសង្កេត និងដៃគូក្នុងវិស័យយុត្តិធម៌ដទៃទៀត។ គោលដៅនៃគម្រោងគឺសាធារណជនទូទៅ តាមរយៈការជួយឲ្យអ្នកទាំងនោះ បន្តកិច្ចខិតខំប្រឹងប្រែងកសាងទំនុកចិត្ត និងការគោរព តុលាការ និងបង្កើននូវភាពជឿជាក់លើដំណើរការតុលាការ។
|
| |
|
|
|
|
|
| បទបង្ហាញអំពីគំរោង |
|
|
|
|
|
|
|
|
|
|
ចុះឈ្មោះទទួលព័ត៌មានថ្មីៗពីម.ស.ម.ក 
