មន្រ្ដី​សិទ្ធិ​មនុស្ស​​បារម្ភ​អំពី​​លម្ហ​សេរីភាព​នយោបាយ​កម្ពុជា​ក្រោយ​មន្ត្រីបក្ស​ជំទាស់​ត្រូវ​ចាប់ខ្លួន​បន្ត​បន្ទាប់

  • 11/06/2024
  • ព័ត៌មាន > ព័ត៌មានថ្មីៗពី ម.ស.ម.ក

អ្នក​សម្រប​សម្រួល​គម្រោង​ឃ្លាំ​មើល​សេរីភាព​មូលដ្ឋាន​នៃ​មជ្ឈ​មណ្ឌល​សិទ្ធិ​មនុស្ស​កម្ពុជា​(CCHR)​អ្នកស្រី​ប្រាក់ ចាន់ម្លី ​យល់​ថា​ការ​ចាប់​ខ្លួន​សមាជិក​គណបក្ស​ជំទាស់​ជា​បន្ត​បន្ទាប់​បែប​នេះ​ធ្វើ​ឱ្យលម្ហសិទ្ធិ​សេរីភាព​ក្នុង​ការ​ធ្វើនយោបាយ​កាន់​តែតូច​ចង្អៀត​។


អ្នកស្រីថ្លែង​ថា៖ «ករណី​នេះ​គឺ​អត់​ខុស​គ្នា​ទេ ការ​បារម្ភ​គឺ​នឹង​ធ្វើ​ឱ្យ​បរិយាកាស​នយោបាយ​នៅ​ក្នុង​ប្រទេសអាចកាន់​តែ​រួម​តូច​ មាន​ន័យ​ថា​ទាំង​សកម្មជន​នយោបាយ​ឬ​ក៏​ប្រជាពលរដ្ឋ​ធម្មតា​ហ្នឹង​គឺ​មិន​សូវ​ជា​មាន​សេរីភាព​ពេញលេញ​ ឬក៏​មិន​សូវហ៊ាន​អនុវត្ត​សេរីភាព​ខាង​សមាគម​ឬ​ក៏​ចូលរួម​ជាមួយ​គណបក្ស​នយោបាយ​បាន​ពេញ​លេញ»។